أول واحد: الشيف مصطفى الرفاعي
الراجل ده عمل نقلة جامدة جدًا…
حوّل الأكل المصري الشعبي العادي لحاجة تفتخر إنك تعزم عليها أجانب!
أكل مصري 100%، نظيف، صحّي، وتقديم راقــي.
والأهم من كده إنه خلّى الأكل المصري براند.
زوبا النهاردة موجود في أمريكا وفي كذا دولة عربية…
يعني بقينا نشوف الأكل المصري إنترناشيونال، مش مجرد مطاعم محلية.
وكمان مطاعم زوبا كسبت أكتر من مرة جايزة “أفضل مطاعم في الشرق الأوسط”.
وده حلم أي مصري: إن أكلنا يبقى عالمي زي أكلات كتير من بلاد عربية تانية منتشرة في العالم.
تاني مصطفى: الشيف مصطفى سيف
الراجل ده عامل عظمة بمعنى الكلمة!
مطعم خوفو بيقدم الأكل المصري بطريقة presentation تليق بمطاعم الميشلان.
مطعم يخليك منبهر من الشكل والطعم…
وسمعته عدّت الحدود.
خوفو بياخد جوائز عالمية من فرنسا وإيطاليا، وكمان ضمن أفضل مطاعم الشرق الأوسط.
شكرًا مصطفى الرفاعي
إنت بدأت أول خطوة وخلّيت كل الشيفات المصريين يفتخروا بأكلهم ويتمنوا يشوفوه في كل العالم.
وشكرًا مصطفى سيف
على وصولك بالأكل المصري لمرحلة تقدير عالمي فعلي.
ولو في مطاعم مصرية تانية وصلت للمستوى العالمي ده وأنا نسيتها…
خلاصه الامر لما بتحب مهنتك جدا وبتحب بلدك باخلاص واكيد توفيق ربنا قبل كل شئ تقدر بسمعتك المحليه توصل للعالميه
ياريت تكتبوها في التعليقات عشان كلنا نفتخر بيهم
اقراء مقال عن الخداع البصرى فى الاكل
فيديو الورده الجميله من السكر
